پېښور 12 مئي (اے پي پي) د وزيراعظم سلاكار او د مسلم ليګ ﴿ن﴾ د خېبر پښتونخوا صدر امير مقام وئيلي دي چې په ټولټاكنو كښې به مسلم ليګ ﴿ن﴾ په خېبر پښتونخوا كښې د پنجاب نه زيات اكثريت ترلاسه كوي۔ د سوات په ګټ٬ ملم جبه كښې د برېښنا پروژې پرانستې نه پس ځائي خلقو ته په خپله وېنا كښې ده ووئيل چې د خوشحالې خبره ده چې په 9 زره فټه لوړ ګټ ملم جبه ته نن برېښنا وركړې شوه۔ زما خواهش دے چې هر كور ته برېښنا ورسي او په هره سيمه كښې د ژوند اسانيې وي۔ ده ووئيل چې د كال 2018م په ټولټاكنو كښې به د پرمختګ راوستونكو او د پرمختګ په لار كښې د خنډ پېدا كوونكو ترمېنځه مقابله كېږي۔ ده ووئيل چې د ټول پاكستان اولس ته خواست كووم چې راشئ په خېبر پښتونخوا كښې د بدلون نظاره وكړئ۔ پېښور په كنډرو بدل كړے شوے۔
