اسلام آباد 21 نومبر (اے پي پي)اولس مشر ډاكټر عارف علوي وئېلي دي چې زمونږ د آقا حضرت محمد(ص)ژوند راتلونكو نسلونو لپاره د لارې مشال دې٬د حضور پاك(ص)د ژوند يوه يوه لمحه رحمت و۔د شورو په ورځ د دوه ورځني رحمت اللعالمين كنفرنس وروستۍ غونډې ته په خپله وېنا كښې اولس مشر ډاكټر عارف علوي ووئيل چې دلته د ټولې نړۍ څخه راغليو علمائے كرامو او مشائحو ډلې مقالې ولوستې۔په دې لړ كښې زما علم ډېر محدود دې او زه به د خپل محدود علم له مخې خپلې خبرې كوم۔ده د يو مقرر د وېنا حواله وركولو سره ووئيل چې حضور(ص)به تل ښه نومونه كېښودل او دا به يې وئېل چې د انسان د نوم د هغه په ژوند ډېر آغېز كېږي۔ده وئيل چې زما پلار چې كله زما نوم كېښودو نو تل به يې هدايت كولو چې په ټول ژوند كښې خپل الله وپیژنه او په دې لړ كښې ټول ژوند هڅې جاري وساته۔ده ووئيل چې نن د سيرت كنفرنس په موضوع كښې دوه الفاظ رحمت او رحمت اللعالمين موجود دي۔د عالم نه څه مراد دې دنيا څومره لويه ده او د دې بادشاه څومره لويې دې۔ده ووئيل چې د تېرو 6 ٬ 5 كلونو نه زما په ذهن كښې پوښتنه ده چې د عالم څه تصور دې او زمونږ د نبي پاك(ص)بادشاهت به څومره لويې وي۔ده ووئيل چې سائنسدانان وائي چې په ساحيلونو د موجودو ذراتو نه هم زيات ستوري په كائنات كښې موجود دي۔د سائنس د پرله پسې تحقيق سره هم تراوسه سائنسدانان په كائنات پوره نه دي پوهه شوي چې دا دنيا څومره لويه ده۔په دې وروستيو كښې مړه شوي سائنسدان سټيفن هاكننګ وئېلي دي چې دنيا زمونږ د تصور نه هم ډېره لويه ده۔ده ووئيل چې زما آقا رحمت اللعالمين دې او ټولو جهانونو لپاره رحمت اللعالمين دې كوم چې په زمكه د موجوده ذراتو او په خلا كښې د ستورو نه هم زيات دي۔اولس مشر ووئيل چې د نبي كريم(ص)د رحمت په اړه يو مقرر خبرې وكړې او وې وئېل چې د منطق بنياد په سوچ دې۔اولس مشر ووئيل چې ما ته خپلې مورې تل د فلسفې او منطق پشمول د نورو علومو د مطالعې هدايت كړی۔ده ووئيل چې د بخاري شريف د دريو جېلدونو د مطالعې څخه مې د علم زده كولو هڅه كړې۔ده ووئيل چې كله چې مونږ د نبي كريم(ص)په سيرت طيبه نظر واچوو نو هغه يو مكمل انسان په نظر راځي كوم به چې په هر هال كښې رحم كولو۔ده ووئيل چې د حضور پاك(ص)په ژوند مبارك كښې چې كله دوه يهوديان مكې ته راغلل او د خلكو نه يې تپوس وكړو چې د نبوت دعوی كونكې چرته دې د خلكو په ښودنه هغه كسان هلته لاړل٬هغوي وكتل چې حضور پاك(ص)چا په كاڼې ويشتو او ژوبل كېدو سره راپريوتو۔دوي ووئيل چې كه دا رښتينې نبي وي نو د الله تعالٰی نه به د دوي د سزا دعا كوي خو زمونږ نبي پاك(ص)رحمت اللعالمين ويشتونكو لپاره د بخښنې دعا وكړه او زمونږ د نبي(ص)كردار دې۔زمونږ نبي كريم(ص)به چې كله په محفل كښې كېښناستو نو كوشش به يې كولو چې په محفل كښې د شريكو نورو خلكو نه د ده ځنګون هم مخكښې نه شي۔د نبي پاك(ص) د ژوند يوه يوه لمحه رحمت و۔حضور پاك(ص)ته غصه نه ورتله خو چې كله به په غصه شو نو مخ مبارك به يې سور شو خو په ژبه به يې كوم الفاظ نه وئېل۔ده ووئيل چې زمونږ نبي(ص)مونږ ته د خدائے پېغام راكړې او وئېلې يې دي چې د لوے څښتن حكم دې چې رښتينې مسلمان جوړېدو لپاره خپل نبي كريم وپیژنئ۔اولس مشر ووئيل چې نعوذبالله خدائے ته زمونږ د عباداتو ضرورت نشته كه مونږ لمونځ كوو نو مونږ ته د دې ضرورت دې٬مونږ هره ورځ د الله تعالٰی نه د نيغې لارې ښودلو دعا كوو او بايد مونږ هره لمحه دا دعا وكړو۔ده ووئيل چې بايد مونږ يقين ولرو چې په سيدها لار به روان شو۔ده ووئيل چې د نن ورځې په دستوره كښې د ګډون كولو نه معلومېږي چې مونږ نيغه لار لټول غواړو۔مونږ ته به د خپل نبي كريم(ص)پھ هداياتو عمل كوي۔اولس مشر ووئيل چې يو ځل حضور پاك(ص)تشريف اېښې و نو يوه جنازه تېره شوه٬حضور پاك(ص)پاسېدو صحابه كرامو پوښتنه وكړه چې تاسو ته معلومه ده دا د چا مړې و٬صحابه كرامو ووئيل چې دا د يو يهودي مړې دې په دې حضور پاك(ص)وفرمائيل چې آخر هغه هم انسان و۔دا حضور پاك(ص)د رحم دلۍ علامت دې۔اولس مشر ووئيل چې كه سود خدائے پاك سره د جنګ پشان خبره ده نو د وراثت په قانون عمل نه كولو هم ډېره لويه خلاف ورزي ده۔ده ووئيل چې د وزيراعظم عمران خان په مشرۍ كښې د پاكستان تحريك انصاف حكومت د وراثت قانون عملي كولو لپاره اقدامات كوي چې دغسې مېرمنې خپل حقوق ترلاسه كړې شي
