اسلام آباد۔21اکتوبر(اے پی پی) پخوانې وزيراعظم نواز شريف په لندن كښې څلور كاله پاتې كېدو څخه وروستو پاكستان ته بېرته رارسېدلے دے۔ ده د هېواد په ستونزو قابو موندلو له د خپل ګوند په صلاحيت د باور څرګندونه كړې ده۔ د چارټر الوتكې د لارې نزدې 164 كسان پاكستان ته رارسېدلې دي په كومو كښې چې د ګوند لارښود او خبريالان شامل دي۔ دبئی څخه پاكستان ته روانېدو څخه وړاندې په دبئی ایئرپورټ خبريالانو سره خبرو كښې ده ووئيل زه د پاك پروردګار په فضل يو درناوي سره پاكستان ته بېرته راروان يم۔ د ټول ټاكنو په اړه د پوښتنې په ځواب كښې ده په 28 مئی 1998 د پاكستان په جوهري تجربو كښې په خپل كردار رڼا واچوله او د الېكشن كمېشن آف پاكستان ملاتړ يۍ څرګند كړو۔ ده ووئيل دا مهال په هېواد كښې يو منصفانه الېكشن كمېشن كار كوي۔ ده په دې خبره زور راوړو چې مونږ په 28 مئی 1998 جوهري تجربې كوؤنكي يوو په 9 مئی 2023 په پوځي تنصيباتو د بريدونو ماسټر مائنډ نه يوو۔ ده ووئيل زمونږ سياسي ګوند د پاكستان په موجوده ستونزو د قابو موندلو صلاحيت لري۔ نواز شريف پوښتنه وكړه چې په هېواد كښې د موجوده صورتحال ذمه وار څوك دے؟ ده ووئيل سره د چېنلجونو پاكستان د پرمختګ پړاؤنه ترسره كولې شي۔ ده ووئيل زه او زما لور نزدې 150 عدالتي سماعتونو سره مخ پاتې شوه۔ ده ووئيل څومره بدقسمتي ده چې مريم كومه عوامي عهده هم نه لرله بياهم هغه مجرم وګرځولې شوه او زاندان كښې واچولې شوه۔
