اسلام آباد۔5فروری(اے پی پی) د اطلاعاتو ٬ خپرونو او پارليماني چارو نګران وفاقي وزير مرتضی سولنګي وئيلي دي چې كشميرې اولس به د خپلواكۍ خپل حق سودا كله هم ونكړي٬ د پاكستان 25 كروړه اولس پرون هم د كشميري اولس ترڅنګ ولاړ وو او نن هم۔ دا خبره ده د ګل په ورځ د كشمير يووالي ورځې په موقعې ويستلې شوي لاريون ته خپل خطاب كښې وكړه۔ ده ووئيل د مقبوضه كشمير مسئله پخوانۍ مسئله ده٬ د كشمير خلكو به په كال 1931ء كښې د غلامۍ په ضد غږ بورته كړې وو٬ د پاكستان جوړېدو په وخت هم كشميري مشرتابه د خپلواكۍ حق غوښتنه كړې وه۔ ده ووئيل هند د جبر او زور د لارې كشمير خپل ځان سره شامل كړو۔ ده ووئيل دا كېدې نه شيچې هند كشمير يوه مقبره جوړه كړي او دا ګڼي چې امن راغلے دے۔ ده ووئيل د مقبوضه كشمير اولس پرله پسې خپل حق لپاره غږ پورته كوي۔ پاكستان كشميري اولس او د هغوي د خپلواكۍ حق سره ولاړ دے ٬ كشميرې اولس به د خپلواكۍ خپل حق سودا كله هم ونكړي٬ د پاكستان 25 كروړه اولس پرون هم د كشميري اولس ترڅنګ ولاړ وو او نن هم او تر كومې چې دوئي ته د خپلواكۍ حق ترلاسه شوې نه وي دغسې به ولاړ وي۔ دې څخه وړاندې د لاريون پېل خارجه دفتر څخه وشو كوم چې ډي چوك ته په رسېدو ختم شو۔ د لاريون مشري نګران وفاقي وزير جمال شاه كوله۔ لاريون كښې د مذهبي چارو وفاقي وزير انيق احمد ٬ د نجكاري وفاقي وزير فواد حسن فواد او خارجه سېكتر محمد سائرس سجاد قاضی په شمول د بېلو وزارتونو ملازمينو ٬ د پاكستان سويټ هومز ماشومانو او ګڼ شمېر عامو وګړو ګډون وكړو۔ ګډون كوؤنكو په مقبوضه كشمير كښې د بشري حقونو د خلاف ورزيو او غېر قانوني قبضې په ضد بېنرې او پلے كارډز پورته كړې وو۔ دوئي په مقبوضه كشمير كښې د هندي رياستي ترهګرۍ په سختو ټكو كښې غندنه هم وكړه۔ په لاريون كښې ګډون كوؤنكو د ”کشمیر به جوړېږي پاكستان“ نعرې هم پورته كړی۔ د پارلیمنټ هاؤس مخې ته ډي چوكت ته رسېدو سره سائرن وغږولې شو او د مقبوضه كشمير شهيدانو ته عقيدت پېرزوينې وړاندې كولو له يوې دقيقې لپاره خاموشي اختيار كړې شوه۔
