اسلام آباد۔26 اګست(اے پی پی) د سينيټ چيئرمېن سید یوسف رضا ګیلانی د موسی خېل ترهګرۍ پیښې په سختو ټكو كښې غندنه كړې ده۔ د ګل په ورځ د سېنېټ سېكرټرېټ لخوا د جاري شوي بيان له مخې د سېنېټ چيئرمېن په دې دړدېدلې پېښه كښې د 23 مسافرو په ځاني زيان د ژور غم دړد څرګندونه كړې ده۔ ده ووئيل د شرم وړ دې پېښې چې څومره هم غندنه وكړې شي كمه ده۔ ده ووئيل د بې ګناه خلقو په نخښه كول يو زيات بزدلانه فعل دے۔ ترهګر د پاكستان له پرمختګ څخه ويرېږي۔ د سېنېټ چيئرمېن ووئيل د ترهګرۍ مقصد اړې ګړې رامخې ته كول او د پرمختګ عمل سستۍ سره مخ كول دي۔ ده ووئيل زمونږ امنيتي ځواكونه د ترهګرۍ ختمولو عزم لرونكي او قام يو موټے دے۔ د سېنېټ چيئرمېن د مړو شوو كسانو كورنيو سره غمرازي ښكاره كړه۔ ده په حق رسېدليو له د لوړو درجو اوغمجنيو كورنيو له د صبر او زغم دعا وكړه۔ د سېنېټ دوهم چيئرمېن سيدال خان هم د دې ظالمانه فعل سخته غندنه وكړه۔
