اسلام آباد – 04 – مارچ (اي پي پي) وزيراعظم محمد شهباز شريف وزارت عظميٰ جو حلف کڻڻ کانپوءِ وزيراعظم هائوس پهتو ته هٿياربند فوج جي دستي پاران کيس گارڊ آف آنر ڏنو ويو. ايوان صدر ۾ حلف کڻڻ کانپوءِ وزيراعظم شهباز شريف وزيراعظم هائوس پهتو ته پاڪستان جي هٿياربند فوج جي دستي کيس گارڊ آف آنر ڏنو. ان موقعي تي قومي ترانو وڄايو ويو، وزيراعظم گارڊ آف آنر جو معائنو ڪيو. وزيراعظم شهباز شريف سان وزيراعظم آفيس جي عملي جو تعارف پڻ ڪرايو ويو.
