اسلام آباد 08 اګست (اے پي پي) د بهرنيو چارو وزير شاه محمود قرېشي وئيلي دي د هندي اقداماتو په ضد سلامتي كونسل ته د تللو پرېكړه شوې ده٬ هند د نړۍ پام د كشمير نه اخوا كولو لپاره د پلوامه ټو غوندې نوې ډرامه كولې شي٬ هند په شمله لوظنامه بريد كړې كومه كښې چې د كشمير مسئله متنازع معامله تسليم كړې شوې وه٬اوس به د ټولو قانوني اړخونو جاج اخلو٬ پرېكړه شوې چې سمجھوته اېکسپرېس به هم نه چلېږي٬ په صورتحال چين سره مشاورت ضروري دے٬ په دې لړ كښې به ډېر زر بيجنګ ته ځم٬ جواهر لال نهرو هم وئيلي وٶ چې د كشمير پرېكړه به كشميريان كوي٬ هند ټول مقبوضه كشمير په زندان بدل كړے ٬ هند به تر كومې څلوېښت لكه كشميريان بنديوان ساتي۔ د زيارت په ورځ په خارجه وزارت كښې د مقبوضه جمو و كشمير صورتحال په اړه خبري كنفرنس ته خپلې وېنا كښې خارجه وزير ووئيل د زيارت په ورځ مې د اروپائي ائتلاف د خارجه چارو اعلٰې نمائنده سره خبرې شوې ٬ ما واضح كړه چې كشمير په نړيواله كچه شخړيزه سيمه ده او د دې آئيني حېثيت ختمول د هند كورنۍ معامله نه ده ٬ يو كروړه 45 لكه كشميريان د كرفيو د لارې په حراست كښې دي٬ ده ووئېل دا مهال نزدې 9 لكه هندې عسكر په مقبوضه جمو و كشمير كښې په ځائ كړې شوې ٬ چې دا كومه ښګړه ده۔ هند د هر كشميري په كور يو عسكر په ځائ كړې چې ورسره مقبوضه کشمير په زندان بدل كړې شوې٬ ده ووئېل تر كومې چې د هند دريځ دے چې دا كورنۍ معامله ده نو د پخواني وزيراعظم جواهر لعل نهرو په دې حقله درېځ موجود دے جې جواهر لال نهرو په 25 نومبر د هند مقننه ته خپله وېنا كښې هم د كشمير په لړ كښې واضح كړې وه چې د دې به د استصواب رائے يا ريفرنډم څخه پرېكړه كولې شي۔ ده بيا واضح كړه د كشمير تعلق هند يا پاكستان سره نه دے بلكې كشميري اولس سره دے او آخري پرېكړه به د دوي په رائے كېږي٬ ده ووئېل مونږ به كشميريان د رائے خلاف خپل ځان سره په جبرا۱ نه ساتو ٬ مونږ به ملګرو ملتونو او كشميريانو څخه په دې بابله پوښتنه كوٶ۔ د يوې پوښتنې په ځواب خارجه وزير ووئيل مونږ نوي سفر پېل كړې او پرونې قرارداد په دې لړ كښې وړومبنې ګام دے او په نېشنل سېكورټي كمېټۍ غونډه كښې پرېكړې دوېم قدم دے ۔ ده ووئيل ځينې عناصر د ناسمه خبرې خپرولو هڅې كوي جې هند د كشمير پحقله اقدامات د امريكې په مشاورت كړې٬ په دې لړ كښې د اېلس وېلز واضح بيان او د سناتور ګراهم ټوئټ هم راغلې۔ خارجه وزير ووئيل پاكستان خپل فضائي حدود بند كړې نه دے او واضح كړې ئې ده چې پاكستان د كرتار پور پحقله پخپل لوظ كلك ولاړ دے ځكه چې مونږ د ټولو مذهبونو احترام كوٶ٬ ده ووئېل د بابا ګرو نانك د 550م زېږون ورځ راروان ده ۔ د افغانستان په اړه ده ووئيل د قامي سلامتيا كمېټۍ پرېكړو څخه به افغان تجارت نه ځپلې كېږي٬ پاكستان به د افغان روغې جوړې په عمل كښې د سهولت كار كردار روان ساتي ځكه چې هلته هم زمونږ سباون د امن سره تړلې دے٬ شاه محمود قرېشي ووئېل مونږ د خپلو افغان وروڼِو احترام كوٶ ٬ د اولس مشر اشرف غني اوسنې دوره او د اېپكس په مذاكراتو مونږ خوشحاله يو۔ د يوې پوښتنې په ځواب خارجه وزير ووئيل زه نن د دې خبري كنفرنس د لارې نړۍ خبرول غواړم چې هند د نړۍ پام د كشمير نه اخوا كولو لپاره د پلوامه ټو غوندې نوې ډرامه كولې شي۔ ده ووئيل پرېكړه شوې چه چې سمجھوته اېکسپرېس به هم نه چلېږي٬ پاكستان سفارتي لاره خپلوي او مونږ د هر ډول جارحيت په ضد د حفاظتي اقداماتو حق محفوظ لرو۔ د يوې پوښتنې په ځواب ده ووئيل د فلسطين مسئله ډېره پخوانۍ او سنجېده مسئله ده ٬ كومه
