اسلام آباد03 اګست(اے پی پی)پاكستان د هند خارجه وزير د سلامتي كونسل مشرۍ په مهال د درېو ترجيحاتو د روادرۍ غږ٬ تفاهم او د نړيوال قانون د ملاتړ په اړه خپل غبرګون كښې وئېلي دي هند خپلو ګاونډيانو سره عمر له د خبرو اترو هڅې له مينځه وړي ٬ښه به وي چې هند د دې ترجيحاتو د چيمپئن جوړېدو نه وړاندې د اصولو پاسداري وكړي۔د نهې په ورځ د هند خارجه وزير لخوا د ترجيحات په اړه د خارجه دفتر وياند د مېډيا د يوې پوښتنې په ځواب كښې ووئيل د هند خارجه وزير د اګست مياشتې لپاره د سلامتي كونسل صدارت له د درېو ترجيحاتو ټاكنه كړې چې پكښې د روادارۍ غږ٬د تفاهم او د نړيوال قوانين ملاتړ شامل دے ۔وياند ووئيل دا د يو داسې هېواد لوي منافقت دے كوم چې رواداري٬د خبرو اترو هڅې او نړيوال قانون په منظم ډول تر پښو لاندې كړے او خپل ځان د درېو ترجيحاتو د محرك په توګه وړاندې كوي۔وياند ووئيل د انتهاخوښۍ هند توا نظريه د هند په ټولو رياسي ادارو كښې ورننوتلې٬د آر اېس اېس ډي جي پي حكومت د اقليتونو او په خاص توګه د مسلمانانو د حقونو څخه د سرغړونو د مثالونو نه ډك دے۔نړۍ ته د روادارۍ درس وركولو نه وړاندې دې هند په خپل هېواد كښې دننه خپلې چارې سمې كړي۔ وياند ووئېل هند تل خپلو ګاونډيانو هېوادونو سره د خبرو اترو هڅې له مينځه وړي۔وزيراعظم عمران خان چې كله د وزيراعظم چوكۍ سنبهال كړه نو څرګند يې ووئيل كه هند د امن لپاره يو ګام راواخلي نو پاكستان به دوه ګامونه اخلي خو د خبرو په ځاے هند د اګست په پنځمه نېټه كال 2019م كښې د يو اړخيز او غېر قانوني اقدام د لارې ماحول لا خراب كړو٬دا اوس د هند ذمه واري ده چې خبرو اترو لپاره ښه ماحول راپېدا كړي چې ورسره په منطقه كښې امن وده ومومي۔وياند ووئيل تر څو جې د نړيوال قانون تعلق دے نو هند د تېرو 7 لسيزو څخه د زياتې مودې نه د ملګرو ملتونو د سلامتي كونسل د قراردادونو څرګند مخالفت كوي۔د پنځم اګست 2019 يو اړخيزه او غېر قانوني د هند اقدامات هم د يو اېن چارټر او د سلامتي كونسل د قراردادونو او د څلورم جنيوا كنونشن پشمول د نړيوال قانون خلاف ورزي ده۔(
