كراچي 31 اګست (اے پي پي) د سندھ ګورنر عمران اسماعيل سره د امريكې نوي قونصل جنرل مارك اسټرو په ګورنر هاؤس كښې ليدلې دي۔د نهې په ورځ د جاري شوې اعلاميې له مخې د ملاقات په مهال د امريكې ډپټي قونصل جنرل ميتهيوفيرنس او پولټيكل /اكنامك چيف الكسنډرا زيټل هم موجود وو۔په ملاقات كښې د پاك امريكا اړيكو٬د كشمير او افغانستان په صورتحال٬د سرمايه كارۍ او شريكې خوښې په نورو چارو هم تفصيلي خبرې شوي ۔د سندھ ګورنر ووئيل د پاكستان معاشي حب د كراچۍ سرمايه كارۍ لپاره آئيډيل ښار دے۔ده ووئيل په موجوده حكومت كښې پاكستان د پرمختګ په لاره روان دے۔ده ووئيل د وزيراعظم عمران خان د كووېډ 19پالېسۍ او د معاشي هلو ځلو ترمينځه د توازن اقدامات په نړيواله كچه ستائېلې شوي۔د امريكې قونصل جنرل مارك اسټرو د سندھ ګورنر سره په خبرو كښې ووئيل د موثره سفارتكارۍ د لارې په منطقه كښې پوخ امن٬خوشحالي او د شريكې ګټې تحفظ ممكن كېدے شي۔دغسې دوي د دواړو هېوادونو ترمينځه دوه اړخيزه تجارت٬سرمايه كارۍ٬معاشي مرستې ته د ودې او د كورونا وبا مخ نيوي په لړ كښې اقدامات لا مستحكمولو ته صلاح شوي
