اسلام آباد 06 ستمبر (اے پي پي)د قامي خوراك او غذائي تحفظ وفاقي وزير سيد فخر امام وئېلي دي چې د هند وزيراعظم نريندر مودي په كشمير كښې د آبادۍ تناسب بدلولو هڅه كوي٬د ملګرو ملتونو د اړخه د اګست 2019 د هند غېر قانوني او يو اړخيزه اقدام نه پس په ګڼو موقعو ملګرو ملتونو كښې د كشمير په مسئله بحث كولو سره يو ځل بيا دا ثابته شوې چې كشمير يوه شخړيزه سيمه ده٬نړيوالې مېډيا دې د دې نوټس واخلي۔د ګل په ورځ د نړيوالې خپلواكۍ حق د سيوري لاندې د دفاع ورځ او د سيد علي ګېلاني په ياد كښې تعزيتي ريفرنس ته په خپله وېنا كښې ده ووئيل چې ځينې هېوادونو د هند سره د تزويراتي شراكتدارۍ په وجه هغوي ته په سيمه كښې د خپلې اجاره دارۍ زياتولو اجازه وركړې۔ده ووئيل چې د مودي حكومت آر اېس اېس نظريې د هند اخلاقي اړخونه بدل كړي۔ده ووئيل وزيراعظم عمران خان په هر فورم د كشميريانو مقدمه پورته كړې او سباؤن كښې به هم دا ډول كوي۔وفاقي وزير ووئيل هند د كشميريانو د آزادۍ تحريك ته زيان رسولو لپاره ګڼ شمېر عسكر تعينات كړي۔ده ووئيل د پاكستان حكومت او ټول وګړي د كشميريانو د آزادۍ هلو ځلو بشپړه حمايت كوي۔وفاقي وزير فخر امام د سيد علي ګېلاني خذماتو ته پېرزوينې وړاندې كړې
