اسلام آباد۔28جنوری(اے پی پی)پاکستان ہکو اری ول واضح کیتے جو اڄوکے حالات اچ بھارت نال مکمل سفارتی تعلقات دی بحالی ممکن کائنی، ایں سانڳے بھارت کوں حالات سازگار ٻݨاوݨے ہوسن، بھارتی سوچ اتے اقدام خطے دے امن کیتے خطرناک ہین، وزیر اعظم عمران خان آندے ہفتے چین ویسن، سی پیک دی رفتار سست تھیوݨ دا تاثر درست کائنی، او آئی سی وزرائے خارجہ کونسل دا اجلاس 22 اتے 23مارچ کوں اسلام آباد اچ تھیسی۔ ہفتہ وار بریفنگ اچ ترجمان دفتر خارجہ عاصم افتخار آکھیے جو پاکستان ہمیشہ امن دی ٻݨیاد تے بھارت نال چنڳے تعلقات دی خواہش کیتی اے بھل ایندا نئی دہلی کݙاھیں مثبت ولدا نئیں ݙتا، 26 جنوری کوں پورے ڄڳ اچ کشمیریاں بھارتی یوم جمہوریہ کوں یوم سیاہ منائے، بھارتی فورسز دے مظالم ڄق دیاں اکھیں نئیں مندر سڳدے، بھارتی سوچ اتے اقدام خطے دے امن کیتے خطرناک ہین، سفارتی تعلقات کیتے بھارت کوں پاکستان نال حالات سازگار کرݨے ہوسن۔
