اسلام آباد۔24نومبر (اے پی پی) نگران وفاقی وزیر برائے تعلیم و پیشہ وارانہ تربیت مدد علی سندھی تریمتیں دی تعلیم کیتے کم کرݨ آلے فجر رابعہ پاشا کوں “یونیسکو پرائز فار گرلز اینڈ ویمنز ایجوکیشن 2023” دا ایوارڈ حاصل کرݨ تے مبارخ ݙیندیں ہوئیں آکھیا جو او اساݙا فخر ہن۔ جمعے کوں اسلام آباد ماڈل سکول فار گرلز جی سیون اچ یونیسکو ایوارڈ دی شیلڈز تقسیم کرݨ دی تقریب توں خطاب کریندے پئے ہن۔ ایں موقع تے سیکرٹری وزارت تعلیم وسیم اجمل چوہدری وی موجود ہن۔ تقریب توں خطاب کریندیں ہوئیں وفاقی وزیر مدد علی سندھی آکھیا جو اڄ دی تقریب ٻہوں خاص اے کیونجو اساݙی ٻھیݨ فجر رابعہ پاشا پاکستان دی دھی ہووݨ دا فرض کامیابی نال نبھائے۔ فجر رابعہ پاشا اتے انہاں دی تنظیم “پاکستان الائنس فار گرلز ایجوکیشن” پیج کوں چین اچ تریمتیں کیتے سکول ٻݨاوݨ اتے انہاں اچ علم ݙیوݨ تے “یونیسکو پرائز فار گرلز اینڈ ویمنز ایجوکیشن 2023” ݙتا ڳئے۔ اے اعزاز اساݙے برادر ملک چین دی خاتون اول ݙتے۔ انہاں آکھیا جو اساکوں انہاں تے فخر اے۔
