اسلام آباد ۔ 25 مئی (اے پی پی) وزيراعظم عمران خان د خالي په ورځ د سركاري ادارو ٬ روغتونونو ٬ تھاڼو ٬سكولونو ٬ د سر پټولو ځايونو او د پرمختيائي سكيمونو ناڅاپي دورې وكړې۔ د خالي په ورځ د وزيراعظم ميډيا آفس لخوا جاري كړې شوي تفصيلاتو ترمخه ددې ناڅاپي دورو په مهال د روغتيا دوهم وزير ډاكټر ظفر مرزا او سناتور فېصل جاوېد هم وزيراعظم سره ؤ۔ وزيراعظم د عام اولس احساس كولو سره د انتظاميې نېغ په نېغه او بشپړه جاج اخستلو له دا دورې وكړې۔ وزيراعظم سرګودھې ته ورسېد چرته چې ده د ډسټركټ هېډكوارټر روغتون دوره وكړه۔ په دې مهال وزيراعظم رنځورانو سره خبرې وكړې۔ او د درملنو آسانيو په اړه ئې دوئي څخه تپوس پوښتنه وكړه۔ وزیراعظم روغتون كښې د رنځورانو په زياته شمېره اندېښنه ښكاره كړه۔ روغتون كښې ځينې رنځورانو آسانۍ پراخا كولو له وزيراعظم ته وړاندېزونه وركړل۔ وزیراعظم د كوچنيانو وارډ ته هم لاړو او دغلته ئې د درملنو آسانيو په اړه پوښتنه وكړه۔ وروستو وزيراعظم د خوشاب ډی اېچ کیو روغتون ته لاړو۔ دې سره سره وزيراعظم د تله ګنګ پوليس سټېشن دوره وكړه او د اولسي شكايتونو په اړه ئې د ريكارډ جاج واخست۔ وزيراعظم عملې څخه د كار په اړه هم پوښتنه وكړه(وا/1705)۔
