اسلام آباد 21 دسمبر (اے پي پي) د مذهبي چارو او مذهبي همغږۍ نګران وفاقي وزير انيق احمد وئيلي دي ټولو انبياٶ د خپلو تعليماتو د لارې په نړۍ كښې د امن٬ سلامتيا او مينې پېغام وركړے ٬ ده حضرت عيسيٰ د محبت استعاره ګرځولو سره ووئيل د هغوي د تسليمولو نه غېر زمونږ ايمان نامكمل دے۔ د مذهبي چارو وفاقي وزير دا خبره د زيارت په ورځ د مذهبونو ترمېنځه د همغږۍ وزارت تر سيوري لاندې په ايوان صدر كښې د كرسمس پحقله دستورې ته خپلې وېنا كښې وكړه۔ ده ووئيل د مذهبونو ترمېنځه همغږۍ ته وده وركول د وخت مهمه تقاضا ده، ټول مذهبونه د امن او روادارۍ خبره كوي۔ ده په هند كښې اقليتنو سره د ساتلې شوي سلوك ذكر كولو سره ووئيل په مني پور ايالت كښې په مسيحي ټولنه كېدونكو ظلمونو باندې پرده اچولو لپاره پاكستان كښې د جړانواله پېښې په شا د پاكستان د بدنامولو هڅه شوې ٬ په دې موقع دستورې ته د پېنډۍ اسلام آباد ارچ بشپ ډاكټر جوزف ارشد او د لاهور بشپ نديم كامران هم وېنا وكړه
