لاهور۔ 14جنوری(اے پی پی)د پنجاب په تاريخ كښې په اولني ځل د ډويژن ٬ ډسټركټ او تحصيل په كچه د جوړ كړ ې شويو پرېس كلبونو ترمينځه د 9 کروړه 45 لکه روپو ګرانټ ووېشلے شو۔ په دې لړ كښې د اتوار په ورځ د پرېس كلبونو ترمينځه د سپېشل ګرانټ چېكونو وېشلو دستوره وشوه په كومه كښې چې نګران وزیراعلیٰ محسن نقوی، د اطلاعاتو او خپرونو وفاقي وزير مرتضیٰ سولنګی او د اطلاعاتو صوبائي وزير عامر میر په شمول د پرېس كلبونو عهدېدارانو او ګڼ شمېر خبريالانو ګډون وكړو۔ دستورې ته خپل خطاب كښې وزیراعلیٰ محسن نقوی ووئيل د پروفېشنل جرنلسټس خېر ښېګړه د حكومت ذمه واري ده۔ ده ووئيل د يو صحافي په حېث زمونږ زياتې ذمه وارۍ دي۔ ده ووئيل خبريالان ذمه وارۍ سره خپل فرض ترسره كوي٬ مونږ غواړؤ چې د صحافت معيار لوړ وي۔ ده ووئيل خبريالانو ته د عصري تقاضو له مخې تربيه وركول ضروري دي۔ وزیراعلیٰ د پرېس کلبونو د آمدن ذريعو كښې د اضافې په حاجت زور راوړلو سره ووئيل چې هغوي بايد داسې اقدامات وكړي چې ورسره د دوئي په ريونيو كښې اضافه وشي۔ په دې موقعه خپل خطاب كښې د اطلاعاتو وفاقي وزير مرتضی سولنګي ووئيل پرېس کلب د صحافت د آزادۍ ستن ده٬ خبريال د ټولنې مهمه برخه ده۔ ده ووئيل د پنجاب اعلی وزير پرېس كلبونو لپاره د 9 کروړه 45 لکه روپو ګرانټ منظور كړو په دې د پاكستان حكومت او د اطلاعاتو وزارت د ده مننه كوي۔ ده ووئيل د پنجاب اعلی وزير تل د اولسي ضرورتونو خيال ساتلے دے۔ دستورې ته د پنجاب د اطلاعاتو صوبائي وزير عامر مير خپل خطاب كښې ووئيل د پنجاب په تاريخ كښې په اولني ځل د ډويژن ٬ ډسټركټ او تحصيل په كچه جوړ كړ ې شويو پرېس كلبونو ته سپېشل ګرانټ وركړے شو۔ ده ووئيل زمونږ مقصد د صحافت مشن مخ په وړاندې بوتلل دي۔ دې څخه وړاندې د پنجاب اعلی وزير محسن نقوی، وفاقی وزیر مرتضیٰ سولنګی او صوبائی وزیر عامر میر پرېس کلبوں ته د سپېشل ګرانټ چېكونه وركړل۔
