كراچي 11 جولائی (اے پی پی)د كورنيو چارو وفاقي وزير محسن نقوي د سي ټي ډي شهيد ډي اېس پي علي رضا ته د عقيدت پېرزوئنې وړاندې كولو لپاره كريم آباد ته لاړو ۔د كورنيو چارو وفاقي وزير محسن نقوي د سي ټي ډي شهيد ډي اېس پي علي رضا په استوګنه غم جنې كورنۍ سره ملاقات وكړو۔ ده غم جنې كورنۍ له دلاسه وركړه او د غمرازۍ څرګندونه ئې وكړه۔د كورنيو چارو وفاقي وزير محسن نقوي د شهيد ډي اېس پي علي رضا لپاره هلال شجاعت او د قائداعظم پوليس ميډل اعلان وكړو۔د ده وينا وه چې ډي اېس پي علي رضا ډېر بهادر پوليس افسر ؤ ۔قام په داسې جرات لرونكو پوليس افسرانو وياړ لري۔د شهيد اېس اېس پي چوهدري اسلم نه پس شهيد ډي اېس پي علي رضا په كراچۍ كښې د ترهه ګرو ملا ماتې كړی ۔ده ووئيل زما ايمان دے چې شهيد ژوندې وي او شهيد ډي اېس پي علي رضا به تل زمونږ په زړونو كښې ژوندے وي۔د پوليس اېډېشنل آئي جي يعقوب-د سي ټي ډي ډي آئي جي آصف اعجاز شېخ٬ اېس اېس پي سنټرل او د سي ټي ډي افسران هم په دې موقع موجود وو
