اسلام آباد 12 اګست (اے پي پي) صدر مملکت آصف علي زرداري د آزادۍ ورځې په موقع د بنديوانو په سزاګانو كښې د خاص كمي اعلان كړے۔ د ګل په ورځ د ايوان صدر پرېس ونګ له مخې صدر مملکت په سزاګانو كښې د كمي منظوري د آئين آرټيکل 45 له مخې وركړې ده۔ په سزاګانو كښې د كمي اطلاق به په وژنه ، جاسوسۍ، د رياست په ضد هلو ځلو كښې په ككړو بنديوانو نه كېږي۔ سزاګانو كښې د كمي اطلاق به په زنا، غلا ، شوكه، د خلقو تښتونې ، او د ترهګرۍ په سزاوارو تورنو هم نه كېږي۔ په سزا كښې د کمي اطلاق به په مالي جرائمو، قامي خزانې ته په زيان رسوٶنكو تورونو هم نه كېږي٬ په سزا كښې د کمي اطلاق به په غېر ملکي كسانو ايکټ، 1946 او د نشه اي توكو مخنيوي (بدلون) اېکټ 2022ء له مخې په سزاوارو هم نه كېږي۔ دا اطلاق به د خپلې سزا په دريو كښې يوه برخه زندان تېرونكو چې عمر ئې د 65 كالو نه زيات وي (نارينه) وي په سزا كېږي٬ دغسې په دريو كښې يوه برخه سزا تېرٶنكو شپېته كلنه مېرمنو په سزا به هم د كمي اطلاق كېږي۔ كوچنيانو سره په زندان كښې د موجودو مېرمنو په سزا كښې به هم دا كمے لاګو وي ٬ دغسې په دريو كښې يوه برخه سزا تېرٶنكي ھغه كسان چې عمر ئې د اتلس كالو نه لږ دے د هغوي په سزاګانو به هم د دې اطلاق كېږي
