اسلام آباد۔12اګست(اے پی پی) د منصوبه بندۍ ٬ پرمختګ او خصوصي اقدامات وفاقي وزير احسن اقبال په مشرۍ كښې د پبلک پرائیوېټ پارټنرشپ لاندې د روانو منصوبو جاج اغستو غونډه وشوه۔ په غونډه كښې د پټروليم وفاقي وزير سېنېټر مصدق ملک، د پلاننګ كمېشن آف پاكستان ډپټی چیئرمین جهانزیب خان، د منصوبه بندۍ سېكرتري اوېس منظور سمرا، د رېلوے سېكرتري ، د اقتصادي چارو سېكرتري ، د پبلك پرائيوېټ پارټنرشپ اتھارټي سي اي او ملک احمد خان په شمول د وفاقي او صوبائي وزارتونو اعلی چارواكو ګډون وكړو۔ د پبلک پرائیویټ پارټنرشپ اتھارټی لخوا د روانو منصوبو او د تېرې غونډې په مهال په شوو پرېكړو د عملدرآمد جائزه رپورټ وړاندې كړے شو۔ په دې مهال وفاقي وزير احسن اقبال ووئيل سرمايه كارۍ لپاره سازګار چاپېرل ضروري دے۔ ده ووئيل په كومه هم څانګه كښې د سرمايه كارۍ موقعې راپېدا كولو په وخت دې د خپلې ګټې او هدفونو تعين وكړے شي۔ ده ووئيل سرماريه كارو ته بلنه وركولو څخه وړاندې دې د حكومت لخوا هوم ورك بشپړ كړے شي۔ د پلاننګ كمېشن دوهم چيئرمېن جهانزېب خان ووئيل تھرډ پارټی کنسلټېشن لپاره دې فعاله ګامونه پورته كړے شي۔ مصدق ملك ووئيل نجي څانګه د هېواد په معيشت كښې د استحكام او پرمختګ سبب ګرځي٬ په نجي څانګه كښې همكاري زياتولو له اقدامات ته اړتيا ده۔
