اسلام آباد 08 اګست (اے پي پي) د خېبر پښتونخوا ګورنر فېصل کريم کنډي د كورنيو چارو وفاقي وزير محسن نقوي سره ليدلي٬ په دې موقع دواړو مشرانو د كرم په پېښو د تشويش څرګندونه وكړه٬ په سباٶن كښې د دا ډول پېښو مخنيوي لپاره په ګڼ اړخيزه لائحه ترتيب كولو اتفاق وكړې شو۔ د زيارت په ورځ ګورنر فېصل کريم کنډي په داخله وزارت كښې وفاقي وزير محسن نقوي سره ليدلي٬ په دې موقع د صوبې په مجموعي صورتحال٬ امن عامه او د كرم په پېښو د خيالاتو څرګندونه شوې۔ محسن نقوي په صوبه كښې امن لپاره د هر ډول ممكنه مرسته باور وركرٶ۔ ده ووئيل چې په صوبه كښې امن او امان د حكومت وړومبۍ ترجيح ده ٬ په کرم كښې د زمكې په شخړه كښې په قېمتي ځاني زيان د افسوس څرګندونه كولو سره ده ووئيل چې ځينې عناصرو د دواړو ډلو ترمېنځه تصادم ته غلط رنګ وركولو ورسره اړې ګړې زيات شوې٬ ده ووئيل چې كرم كښې د مجلس وحدت المسلمين اېم اېن اے حميد حسېن په مشرۍ كښې د سيمې مشرانو سره په ملاقات كښې صورتحال معمول ته راوستلو لپاره اقدامات شوي۔ ده ووئيل امنيتي ځواكونو هم د صورتحال په تناظر كښې موثره اقدامات كړي٬ بشپړه هڅه كوٶ چې د کرم پشمول په صوبه كښې د امن او امان صورتحال بهتر شي۔ ده ووئيل د امن هڅو ته زيان رسولو كښې بهرني لاسونه نظر انداز كېدې نشي۔ ګورنر فيصل کريم کنډي امن لپاره په مرسته د وفاقي وزير محسن نقوي مننه وكړه۔
