لاهور 01 دسمبر (اے پي پي) د سائنس او ټېكنالوجې وفاقي وزير چوهدري فواد حسېن وئيلي دي چې په آرمي اېكټ كښې د ترميم په معامله به اتفاق سره مخ په وړاندې تلل وي، په راتلونكي بجټ كښې به د سائنس او ټېكنالوجې په بجټ كښې زر چنده اضافه كوو، پاكستان به د نړۍ وړومبې هېواد وي كوم به چې په بېټرې چلېدونكي بسونه معرفي كړي. د اتوار په ورځ خبري كنفرنس ته د وېنا كولو په مهال وفاقي وزير ووئيل چې پاكستان به د چين په مرسته په كال 2022م كښې سپېس مشن خلا ته لېږي. د برېښنا د رسنې نظام بېخي بدلېدونكې دے، په لس پنځلس كلونو كښې به په پاكستان كښې تارونه او ستنې ختم شي. وفاقي وزير ووئيل چې د سائنس او ټېكنالوجې وزارت بائيو ټېكنالوجې ته خاص پام كړے، په راتلونكو 10 كلونو كښې به بائيو ټېكنالوجې سره د څلور اربه ډالرو برآمدات زياتوو. ده ووئيل چې په برېښنا چلېدونكې كشې او موټر سائيكل به ډېر زر ماركيټ ته راشي، ډېر زر به په پاكستان كښې شمسي پېنل جوړېدل هم پېل شي. وفاقي وزير ووئيل چې د نوې ټېكنالوجې د استعمال نه بغېر پرمختګ ممكن نه دے. وفاقي وزير ووئيل چې په آرمي اېكټ كښې د ترميم په معامله به اتفاق سره مخ په وړاندې تلل وي، دا ډېره مهمه معامله ده، آرمي چيف قمر جاوېد باجوه د سول ادارو ملاتړ كړے، د آرمي چيف د ملازمت د مودې معاملې د قانوني نه زيات سياسي حيثيت اختيار كړے. ده ووئيل چې وزيراعظم غواړي چې ادارې د يوې بلې احترام وكړي. ده ووئيل چې بايد پارلمان د يوې ادارې په حېث بايد ټول تسليم كړي.
