اسلام آباد۔6مئی(اے پی پی):الیکشن کمیشن اچ پی ٹی آئی منحرف ارکان دے خلاف ریفرنس دے معاملے تے منحرف ارکان تحریری جواب جمع کرا ݙتن۔ پی ٹی آئی دے وکیل الیکشن کمیشن توں وقت منگ ڳھدے۔چیف الیکشن کمشنر دی سربراہی اچ ترائے رکنی بنچ کیس دی سماعت کیتی۔ نور عالم خان، احمد حسین ڈھیڑ، رانا قاسم نون، غفار وٹو، مخدوم سمیع الحسن گیلانی، مبین احمد، باسط سلطان سودھے ٻہوں سارے منحرف ارکان جواب جمع کراݙتن ۔ چیف الیکشن کمشنر ریمارکس اچ آکھیے جو منڳل تئیں ہر صورت دلائل مکمل کر گھنو تاں جو فیصلے کیتے وقت مل سڳے۔ ممبر بلوچستان شاہ محمد جتوئی آکھیے جو 14 مئی تئیں کمیشن فیصلہ کرݨا اے ۔وکیل تحریک انصاف فیصل چوہدری الیکشن کمیشن توں جواب پڑھݨ دی مہلت منگی اتے استدعا کیتی جو ساریں دے جواب پڑھ گھناں ول دلائل شروع کریسوں ۔ جیں تے چیف الیکشن کمشنر اساکوں تاں اے ہئی جو مہلت منحرف ارکان دے وکلا منگسن ، لیکن اتھاں تساں ہی مہلت منگ ڳھدی اے ۔ پی ٹی آئی دی درخواست تے سماعت منگل تئیں ملتوی کرݙتی ڳئی ۔
