بیجنگ۔6جون(اے پی پی):وزیراعظم محمد شہباز شریف پاکستان کوں خود انحصاری دی منزل نال ہمکنار کرݨ تے ترقی سانڳے چین دے ماڈل توں فیدہ چاوݨ دے عزم دا اظہار کریندے ہوئیں آکھیے جو پاکستان معاشی اصلاحات دے ایجنڈے تے عمل کریندا پئے ، بدعنوانی مکاوݨ ، بنیادی ڈھانچہ اچ تبدیلی تے برآمدات ودھاوݨ سانڳے اقدامات کریندے پیوں ، ویلھا آڳئے جو پاکستان اتے چین دی شراکت داری کوں معاشی اہداف گھنݨ سانڳے نتیجہ خیز بݨاؤں ، سی پیک اتے ٻئے منصوبیں تے کم کرݨ آلے چینی باشندیں دی فول پروف سکیورٹی یقینی بݨائی ویسی ۔ اے ڳالھ انہاں بیجنگ اچ پاک چائنا فرینڈشپ اینڈ بزنس ریسپشن توں خطاب اچ آکھی اے ۔ وزیراعظم آکھیے پاک چائنا فرینڈشپ اینڈ بزنس ریسپشن دی تقریب توں خطاب میں سانڳے اعزاز اے۔ پاکستان تے چین دی غیر مشروط یاری دا وݙا سفر سانجھے اعتماد اتے احترام دے رشتیں تے قائم اے اے پائیدار دوستی سرحداں توں ٻاہر ہݨ خلاواں اچ پڄ چکی اے ، چین دی تھوڑے عرصے اچ تکھی رفتار ترقی اساں کیتے ??شع?? راہ اے ، پاکستان 24 کروڑ آبادی دا ملک اے ، پاکستان دے سعودی عرب ،یو اے ای ،کویت ، ایران، افغانستان اتے ٻئے خلیجی ملکاں نال برادرانہ تعلقات ہن لیکن پاکستان اتے چین وچال دوستی اتے بھرپی دی دنیا اچ کتھائی مثال نی ملدی اے دوستی ذاتی مفاد سانڳٖ کائنی ۔ چین چھل ، زلزلیں تے ٻئی قدرت?? آفتاں سودھے ہر اوکھے ویلھے پاکستان دا ساتھ ݙتے ،اے نہ مکݨ آلی ی??ری تے تعلق اے ۔وزیراعظم آکھیے پاکستان اتے چین دی ی??ری بے لوث اتے ہر آزمائش تے پوری ل??ھی اے ۔ وزیراعظم آکھیے انہاں 1981 اچ پہلی واری چین دا دورہ کیتا ہئی تے چین دی تعلیم ،صحت ،زراعت اتے ٻئے شعبیں اچ ترقی دا مشاہدہ کیتا ہئی ،چین تھوڑے عرصے اچ ترقی دیاں منزلاں طے کیتن اوں عظیم ملک بݨݨ سانڳے دنیا دے سامݨے ھک مثال قائم کیتی تے صنعتاں تے زراعت سانڳے جدید ٹیکنالوجی کوں بروئے کار گھن آئے تے ایں ترقی دا مشاہدہ اساں اڄ کریندے پیوں ۔ انہاں آکھیے اڄ 2024 اچ چین دنیا دی ݙوجھی وݙی معاشی اتے فوجی طاقت بݨ چکیے ،پاکستان چین دے تجربیں توں فیدہ چیندا پئے ،چین دی پیداواری صلاحیت پوری دنیا اچ مشہور اے ، چین اچ سینٹرلائزڈ پلاننگ سسٹم اے،چین دی مثالی ترقی انتھک محنت اتے کم نال لگن دی مرہون منت اے، چین دے بغیر دنیا اڄ ھک قدم اڳوں نی ودھ سڳدی اڄ چین دی تجارت کھرباں ڈالر وچ اے ۔
.jpg)
