اسلام آباد۔7اپریل (اے پی پی) صدر مملکت ڈاکٹر عارف علوی ملک اچ احتیاطی صحت دی سہولت دے ودھارے تے توجہ ݙیوݨ دی لوڑھ تے زور ݙیندیں ہوئیں آکھیا جو محدود وسائل پاروں 22 کروڑ آبادی دی صحت دی لوڑھ کوں علاج معالجے دے طریقے نال پورا نی کر سڳدا۔ ایوان صدر دے پریس ونگ توں جاری بیان موجب صدرمملکت اے ڳالھیں جمعے کوں ایوان صدر اچ ہیلتھ سروسز اکیڈمی دی سینیٹ دے چوتھے اجلاس دی صدارت کریندیں ہوئیں آکھی۔ اجلاس اچ ہیلتھ سروسز اکیڈمی دی سینیٹ دے اراکین اتے ٻے حکام شریک تھیے۔ صدرآکھیا جو احتیاط کر تے ٻہوں بیماریاں توں بچیا ونڄ سڳدے۔ انہاں آکھیا جو پاکستان کوں صحت دے شعبے کوں بہتر کرݨ کیتے اہداف تے مبنی منصوبہ بندی کرݨ دی لوڑھ اے۔اجلاس اچ ہیلتھ سروسز اکیڈمی دے تریجھے سینیٹ اجلاس دے منٹس دی وی توثیق کیتی ڳی۔
